മികച്ച കലാസംവിധായകനുള്ള ദേശീയ പുരസ്‌കാരം നാലു തവണ സ്വന്തമാക്കിയ നിതിന്‍ ദേശായി ഇന്ത്യയെങ്ങും ആദരിക്കപ്പെടുന്ന ടെക്‌നീഷ്യനാണ്. ഹം ദില്‍ ദേ ചുകേ സനം,ദേവദാസ്,ജോധ അക്ബര്‍,ലഗാന്‍ എന്നീ സിനിമകളുടെ കലാസംവിധാനത്തിനായിരുന്നു പുരസ്‌കാരം. 2 പതിറ്റാണ്ടിലേറെ നീണ്ട കരിയറില്‍ സഞ്ജയ് ലീല ബന്‍സാലി,അശുതോഷ് ഗവാരിക്കര്‍,വിധു വിനോദ് ചോപ്ര,രാജ് കുമാര്‍ ഹിരാനി തുടങ്ങി പ്രമുഖരായ ചലച്ചിത്രക്കാരന്മാര്‍ക്കൊപ്പം പ്രവര്‍ത്തിച്ചിട്ടുണ്ട്.
