മലയാള സിനിമാ പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന സിനിമയാണ് ജയസൂര്യ നായകനായി എത്തുന്ന കത്തനാര്‍. സിനിമ പ്രഖ്യാപിച്ചപ്പോള്‍ കാര്യമായ പ്രകമ്പനമൊന്നും ഉണ്ടായില്ലെങ്കിലും സിനിമയുടെ ട്രെയ്‌ലര്‍ പുറത്തുവന്നതോടെയാണ് കത്തനാര്‍ മലയാളികള്‍ പ്രതീക്ഷിക്കുന്ന സിനിമയായി മാറിയത്. ഹോം എന്ന കുടുംബചിത്രം ഒരുക്കിയ റോജിന്‍ തോമസാണ് സിനിമയുടെ സംവിധാനം. 75 കോടി രൂപ മുതല്‍മുടക്കില്‍ വരുന്ന സിനിമ മലയാളത്തിലെ ഏറ്റവും ചിലവേറിയ സിനിമകളില്‍ ഒന്നാണ്.
