സന്ദീപ് റെഡ്ഡി വംഗയും അല്ലു അർജുനും ഒരുമിക്കാനിരുന്ന ചിത്രം ഇനി സംഭവിക്കില്ല. ചിത്രത്തില്‍ നിന്നും അല്ലു അർജുൻ പുറത്തായതായി റിപ്പോർട്ട്. കഴിഞ്ഞ വര്‍ഷമാണ് അല്ലു അര്‍ജുനൊപ്പം സന്ദീപ് റെഡ്ഡി സിനിമ ചെയ്യാന്‍ ഒരുങ്ങുന്നുവെന്ന റിപ്പോര്‍ട്ടുകള്‍ എത്തിയത്. ഈ സിനിമയ്ക്കായി ഇരുവരും കോണ്‍ട്രാക്ടും സൈന്‍ ചെയ്തിരുന്നതായാണ് റിപ്പോര്‍ട്ട്. എന്നാല്‍ ഈ ചിത്രത്തില്‍ അല്ലുവിന് പകരം ജൂനിയര്‍ എന്‍ടിആര്‍ എത്തുമെന്ന റിപ്പോര്‍ട്ടുകളാണ് ഇപ്പോള്‍ എത്തുന്നത്.
എന്നാല്‍ ഈ പ്രോജക്ട് താല്‍ക്കാലികമായി നിര്‍ത്തിവച്ചിരിക്കുകയാണ്. ‘സ്പിരിറ്റ്’ എന്ന തന്റെ പുതിയ ചിത്രത്തില്‍ നിന്നും ദീപിക പദുക്കോണിനെ പുറത്താക്കി ഒരാഴ്ച തികയും മുന്നേയാണ് അല്ലു അര്‍ജുനെ പുറത്താക്കിയ റിപ്പോര്‍ട്ടുകളും എത്തിയിരിക്കുന്നത്. റിപ്പോർട്ട് പുറത്തുവന്നതോടെ, സംവിധായകന് നേരെ കടുത്ത വിമർശനവും പരിഹാസവുമാണ് സോഷ്യൽ മീഡിയയിൽ ഉയരുന്നത്. താൻ പുറത്താക്കിയ ദീപികയെ സ്വീകരിച്ച അല്ലു അർജുൻ ഇനി തന്റെ പടത്തിൽ വേണ്ടെന്ന് സന്ദീപ് തീരുമാനിക്കുകയായിരുന്നു എന്നാണ് റിപ്പോർട്ട്. സന്ദീപ് പക മനസിൽ സൂക്ഷിക്കുന്ന ആളാണെന്നു വിമർശനവും സോഷ്യൽ മീഡിയയിൽ ഉണ്ട്.
അതേസമയം, പ്രഭാസ് നായകനാകാണുന്ന സ്പിരിറ്റ് എന്ന ചിത്രത്തിൽ ദീപികയെ ആയിരുന്നു ആദ്യം കാസ്റ്റ് ചെയ്തത്. ദീപികയുടെ ഡിമാന്റുകൾ സംഗീകരിക്കാൻ കഴിയാതെ വന്നതോടെ സന്ദീപ് അവരെ പുറത്താക്കുകയായിരുന്നു. 8 മണിക്കൂര്‍ ഷിഫ്റ്റിന് പുറമെ, 20 കോടി പ്രതിഫലവും സിനിമയുടെ ലാഭവിഹിതവും ദീപിക ആവശ്യപ്പെട്ടുവെന്നായിരുന്നു പുറത്തുവന്ന റിപ്പോര്‍ട്ട്. കൂടാതെ താന്‍ തെലുങ്കില്‍ ഡയലോഗുകള്‍ പറയില്ലെന്നും നടി പറഞ്ഞതായും റിപ്പോര്‍ട്ടുകള്‍ ഉണ്ടായിരുന്നു.
