സംവിധായകന്‍ അഖില്‍ മാരാര്‍ ബിഗ് ബോസ് സീസണ്‍ 5 ജേതാവായതോടെ കൂടുതല്‍ ചിത്രങ്ങളില്‍ അഭിനയിക്കാന്‍ അവസരങ്ങള്‍ വന്നു. എന്നാല്‍ അതെല്ലാം വേണ്ടെന്നു വയ്ക്കാനാണ് താരത്തിന്റെ തീരുമാനം. ഒരു ഉല്‍പ്പന്നം താന്‍ ഉപയോഗിച്ചോ അനുഭവിച്ചോ ബോധ്യപ്പെടാതെ അവ നല്ലതാണെന്ന് പറഞ്ഞ് ജനങ്ങളെ പറ്റിക്കാന്‍ തനിക്ക് ആവില്ലെന്ന് അഖില്‍ മാരാര്‍ പറഞ്ഞു.
നിരവധി ആള്‍ക്കാര്‍ പരസ്യം ചെയ്യുന്നതിനായി സമീപിക്കുന്നുണ്ട്.പരസ്യങ്ങള്‍ ചെയ്യുന്നില്ല എന്നാണ് എന്റെ തീരുമാനം.ഒരുത്പന്നം ഞാന്‍ ഉപയോഗിച്ചോ,അനുഭവിച്ചോ ബോധ്യപ്പെടാതെ അത് സൂപ്പര്‍ ആണെന്ന് പൊതു ജനത്തെ പറഞ്ഞു പറ്റിക്കാന്‍ ഞാന്‍ തയ്യാറല്ല..ഈ തീരുമാനത്തിന്റെ ഭാഗമായി വലുതും ചെറുതുമായ കമ്പനികളെ ചെറിയ രീതിയില്‍ എങ്കിലും വെറുപ്പിക്കേണ്ടി വന്നിട്ടുണ്ട്..അവര്‍ക്ക് ഞാന്‍ അഹങ്കാരി ആയി തോന്നാം. ആ അഹങ്കാരം തുടരാന്‍ ആണ് എന്റെ ഉദ്ദേശ്യം.ഉത്പന്നത്തിന്റെ മൂല്യം ആണ് ഏറ്റവും വലിയ പരസ്യം എന്നാണ് എന്റെ വിശ്വാസം.'- അഖില്‍ മാരാര്‍ പറഞ്ഞു.
