ഓൺലൈൻ വായ്പ്പാ ആപ്പിൻ്റെ തട്ടിപ്പിനിരയായെന്ന് തുറന്ന് പറഞ്ഞ് തമിഴ്‌- തെലുങ്ക് ടെലിവിഷൻ പരമ്പരകളിലൂടെ ശ്രദ്ധേയയായ നടി ലക്ഷ്മി വാസുദേവൻ. ഇൻസ്റ്റഗ്രാമിൽ കഴിഞ്ഞ ദിവസം പോസ്റ്റ് ചെയ്ത വീഡിയോയിലാണ് നടി ഇക്കാര്യങ്ങൾ പറഞ്ഞത്. പണം ആവശ്യപ്പെട്ട് കൊണ്ട് ഭീഷണിപ്പെടുത്തി, മോർഫ് ചെയ്ത ഫോട്ടോകളും വീഡിയോകളും മാതാപിതാക്കളടക്കമുള്ളവർക്ക് അയച്ചുവെന്നും നടി കരഞ്ഞുകൊണ്ട് വെളിപ്പെടുത്തി.
മൂന്ന് നാല് ദിവസങ്ങൾക്ക് ശേഷമാണ് നിങ്ങൾ ലോണെടുത്തിട്ടുണ്ടെന്നും പണം അടയ്ക്കണമെന്നും പറഞ്ഞ് മെസേജ് വന്നത്. പിന്നെ പിന്നെ മോശമായ ഭാഷയിലുള്ള ഭീഷണികളും വോയിസ് മെസേജുകളും വന്നു തുടങ്ങി. തൻ്റെ വാട്ട്സാപ്പ് കോൺടാക്റ്റിലെ ചിലർക്ക് മോശമായ രീതിയിലുള്ള ചിത്രങ്ങളെല്ലാം പോയിട്ടുണ്ടെന്നും നടി വീഡിയോയിൽ പറയുന്നു. സംഭവത്തിൽ ഹൈദരാബാദ് സൈബർ സെല്ലിൽ പരാതി നൽകിയിരിക്കുകയാണ് താരം.
