ബോളിവുഡ് താരം അമീര്‍ഖാന്റെ മകള്‍ ഇറ ഖാന്‍ വിവാഹിതയായി. ഇറയുടെ സുഹൃത്തും സെലിബ്രിറ്റി ഫിറ്റ്‌നസ് ട്രൈനറും ആണ് വരന്‍ നൂപുര്‍ ഷിഖാര.
അടുത്ത ബന്ധുക്കള്‍ മാത്രമായിരുന്നു വിവാഹ ചടങ്ങുകളില്‍ പങ്കെടുത്തത്. വിവാഹ രജിസ്‌ട്രേഷനുശേഷം അതിഥികള്‍ക്കായി വിവാഹ സല്‍ക്കാരവും നടന്നു.
സാന്താക്രൂസിലെ വീട്ടില്‍നിന്ന് ജോഗ് ചെയ്താണ് വിവാഹച്ചടങ്ങ് നടന്ന ഹോട്ടലിലേക്ക് വരനായ നൂപുര്‍ എത്തിയത്. ബോളിവുഡ് സിനിമ ലോകത്തെ മിക്ക താരങ്ങളുടെയും ഫിറ്റ്‌നസ് ട്രെയിനര്‍ ആണ് നൂപുര്‍. മാനസിക ആരോഗ്യത്തിന് പിന്തുണ നല്‍കുന്ന സംഘടനയുടെ സ്ഥാപകയും സി.ഇ.ഓയുമാണ് ഇറ ഖാന്‍.
വിവാഹത്തിന് മുന്നോടിയായി അമീറിന്റെ ആദ്യ ഭാര്യയായ റീന ദത്തയുടെ വീട്ടില്‍ ആഘോഷ പരിപാടികള്‍ സംഘടിപ്പിച്ചിരുന്നു.
ആമിര്‍ ഖാന്റേയും ആദ്യഭാര്യ റീന ദീത്തയുടേയും മകളാണ് ഇറ ഖാന്‍. ജുനൈദ് ഖാന്‍ എന്നാണ് ഇരുവരുടെയും മകന്റെ പേര്.
2023 സെപ്റ്റംബറില്‍ ആയിരുന്നു ഇരുവരുടെയും വിവാഹ നിശ്ചയം നടന്നത്. ഇറ്റലിയില്‍ വച്ചായിരുന്നു ചടങ്ങുകള്‍. ഇതിന്റെ പാര്‍ട്ടി നവംബറില്‍ ബന്ധുക്കള്‍ക്കും സുഹൃത്തുക്കള്‍ക്കും ആയി നടന്നു. അമീറിന്റെ ആദ്യ ഭാര്യയായ റീന ദത്തയുടെയും രണ്ടാം ഭാര്യയായ കിരണ്‍ റാവുവിന്റെയും കുടുംബങ്ങള്‍ ചടങ്ങുകളില്‍ പങ്കെടുത്തു.