രജനിയുടെ അണ്ണാത്തെ റിലീസിന് ഒരുങ്ങുകയാണ്. എസ് പി ബാലസുബ്രഹ്മണ്യത്തിന്റെ മരണശേഷം പുറത്തുവന്ന സിനിമയിലെ ലിറിക്കല്‍ സോങ് ആരാധകര്‍ ഏറ്റെടുത്തുകഴിഞ്ഞു. ഇപ്പോഴിതാ രണ്ടാമത്തെ ഗാനം ഇന്ന് വൈകുന്നേരം 6 മണിക്ക് എത്തുമെന്ന് നിര്‍മ്മാതാക്കള്‍ അറിയിച്ചു. ശ്രേയ ഘോഷാല്‍, സിഡ് ശ്രീറാം എന്നിവര്‍ ചേര്‍ന്ന് ആലപിച്ച ഗാനമാണിത്. നയന്‍താരയും രജനിയും സ്‌ക്രീന്‍ സ്‌പേസ് പങ്കിടുന്ന ഗാനരംഗത്തിനായി കാത്തിരിക്കുകയാണ് ആരാധകര്‍.
മീന, നയന്‍താര, കീര്‍ത്തി സുരേഷ്, സതീഷ്, സൂരി തുടങ്ങിയ വന്‍ താരനിര തന്നെ അണിനിരക്കുന്നുണ്ട്.സണ്‍ പിക്ചേഴ്‌സ് നിര്‍മ്മിച്ച ചിത്രം നവംബര്‍ 4 ന് റിലീസ് ചെയ്യും.
