മലയാള സിനിമയുടെ ബോക്സോഫീസ് മോഹന്‍ലാല്‍ ഭരിക്കുകയാണ്. വ്യക്തമായി പറഞ്ഞാല്‍ ഒന്നാമനും രണ്ടാമനും മൂന്നാമനും മോഹന്‍ലാല്‍ തന്നെ. 100 കോടി ക്ലബില്‍ ഇടം നേടിയ പുലിമുരുകന്‍ തന്നെയാണ് ബോക്സോഫീസ് വിജയങ്ങളില്‍ ഒന്നാം സ്ഥാനത്ത്.
രണ്ടാം സ്ഥാനത്ത് ദൃശ്യവും മൂന്നാം സ്ഥാനത്ത് ഒപ്പവും ആണ്. ഇതോടെ മലയാള സിനിമയില്‍ എതിരാളികളില്ലാത്ത ചക്രവര്‍ത്തിയായി മോഹന്‍ലാല്‍ മാറിയിരിക്കുകയാണ്.
പ്രിയദര്‍ശന്‍ സംവിധാനം ചെയ്ത ഒപ്പം 60 കോടിയും കടന്ന് മുന്നേറുകയാണ്. ദൃശ്യത്തിന്‍റെ കളക്ഷന്‍ 80 കോടിയോളമാണ്. എന്തായാലും സമീപകാലത്തൊന്നും മോഹന്ലാലിന്റെ താരപദവിക്ക് ആരും വെല്ലുവിളിയാകില്ല എന്നുറപ്പിക്കാം.
കഴിഞ്ഞ മൂന്ന് മാസം കൊണ്ട് മോഹന്‍ലാല്‍ ചിത്രങ്ങള്‍ക്ക് 350 കോടിയുടെ ബിസിനസാണ് നടന്നത്. മലയാളത്തില്‍ പുലിമുരുകനും ഒപ്പവും തെലുങ്കില്‍ ജനതാ ഗാരേജും സര്‍വകാല റെക്കോര്‍ഡുകളും തകര്‍ത്ത് മുന്നേറ്റം നടത്തുകയായിരുന്നു.