സൂപ്പ്‌ ആരോഗ്യത്തിന്‌ ഉത്തമമാണ്‌. പക്ഷേ വീട്ടില്‍ വെയ്ക്കാന്‍ തയ്യാറാകണം. അല്‍പ്പം മിനക്കെട്ടാല്‍ സംഗതിറെഡി.
ചേര്‍ക്കേണ്ട ഇനങ്ങള്‍
ബീന്‍സ്‌, ഗ്രീന്‍ പീസ്‌, ക്യാരറ്റ്‌, ഇവ - 2 കപ്പ്‌ ക്യാപ്സിക്കം നുറുക്കിയത്‌ - 1 കപ്പ്‌ സ്പ്രിംഗ്‌ ഒണിയന്‍ - 5 എണ്ണം കോണ്‍ ഫ്ലവര്‍ - 6 ടേബിള്‍ സ്പൂണ്‍ സ്വീറ്റ്‌ കോണ്‍ ക്രീം - 1 ടിന്‍ അജിനാമോട്ടോ - അര ടീസ്പൂണ്‍ കുരുമുളകു പൊടി - 1 ടീസ്പൂണ്‍ വെള്ളം - 10 കപ്പ്‌ ഉപ്പ്‌ - ആവശ്യത്തിന്‌
പാകം ചെയ്യുന്ന വിധം
പച്ചക്കറികള്‍ എല്ലാം ചെറുതായി അരിഞ്ഞെടുത്ത്‌ വെള്ളം ചേര്‍ത്ത്‌ കുക്കറില്‍ വയ്ക്കുക. വിസില്‍ കേട്ട ശേഷം ഇത്‌ അരിച്ചെടുത്ത്‌ സ്വീറ്റ്കോണ്‍ ക്രീം ചേര്‍ത്ത്‌ 5 മിനിറ്റ്‌ തിളപ്പിക്കുക. കോണ്‍ഫ്ലവര്‍ ഇട്ട്‌ ഇളക്കിയ വെള്ളം ഇതില്‍ ചേര്‍ത്ത്‌ കട്ടിപിടിക്കാതെ ഇളക്കുക. കുറുകി വരുമ്പോള്‍ ക്യാപ്സിക്കവും സ്പ്രിംഗ്‌ ഒണിയനും ആവശ്യത്തിന്‌ ഉപ്പും ചേര്‍ത്ത്‌ ഉപയോഗിക്കാം.