സന്ദർശിച്ച റെസ്റ്റോറെന്റുകൾക്കും, ഹോട്ടലുകൾക്കും തുണിക്കടകൾക്കുമെല്ലാം നമ്മൾ ഗൂഗിളിൽ റേറ്റിംഗ് നൽകാറുണ്ട്. എന്നാൽ പൊലീസ് സ്റ്റേഷൻ റേറ്റിംഗ് നൽകി സോഷ്യൽ മീഡിയയെ മുഴുവൻ അമ്പരപ്പിച്ചിരിക്കുകയാണ് ലോഗേശ്വർ എസ് എന്ന യുവാവ്. പൊലീസ് സ്റ്റേഷന് റിവ്യു നൽകിയ സംഭവം തരംഗമായി മാറിയിരിക്കുകയാണ് ഇപ്പോൾ.
മെയിൻ റോഡിലാണ് സ്റ്റേഷൻ ഉള്ളത്. സ്റ്റേഷൻ പരിസരമെല്ലാം വളരെ വൃത്തിയുള്ളതാണ്. മാന്യമായ പെരുമാറ്റത്തോടെയാണ് ഉദ്യോഗസ്ഥർ എന്നെ സ്വീകരിച്ചത്. ഒരു തരത്തിലും അവർ എന്നെ ഉപദ്രവിച്ചില്ല. കൈക്കൂലി ഒന്നും വാങ്ങാതെയാണ് ഉദ്യോഗസ്ഥർ എന്നെ വിട്ടയച്ചത് യുവാവ് റിവ്യൂവിൽ കുറിച്ചു. ജീവിതത്തിൽ ഒരിക്കലെങ്കിലും നിങ്ങൾ ഈ സ്റ്റേഷൻ സഞ്ചരുക്കണം എന്ന യുവാവിന്റെ വാക്കുകളാണ് സോഷ്യൽ മീഡിയയിലാകെ ചിരി പടർത്തിയത്.
