ഇരട്ട ബീമുകളുള്ള ഹെഡ്ലമ്പുകളാണ് വാഹനത്തിന് ഉള്ളത്. ഹാച്ച്ബാക്ക് വാഹനമാണെങ്കിൽകൂടിയും സൈഡിൽനിന്നുമുള്ള കാഴ്ചയിൽ വഹനം ഒരു കുഞ്ഞ് എസ് യു വി പോലെ തോന്നിയേക്കാം. ഇന്ത്യയിൽ പ്രീമിയം ക്യാറ്റഗറിയിൽ വാഹനത്തെ നിലനിർത്താനാണ് നിസാന്റെ തീരുമാനം. ഇറക്കുമതി ചെയ്യുന്നതിനാൽ വാഹത്തിന് വില കൂടുതലായിരിക്കും 35 ലക്ഷമാണ് ലിഫിന് ഇന്ത്യയിൽ പ്രതീക്ഷിക്കപ്പെടുന്ന വില.
148 ബി എച്ച് പി കരുത്തും 320 എൻ എം ടോർക്കും പരമവധി സൃഷ്ടിക്കാന്‍ ശേഷിയുള്ള ഇലക്ട്രിക് മോട്ടോറാണ് വാഹനത്തിന്റെ കരുത്ത്. 40 kwh ബാറ്ററിയാണ് വഹനത്തിന് പ്രവർത്തിക്കാനാവശ്യമായ ഊർജ്ജം നൽകുന്നത്. ഒറ്റ ചാർജിൽ 400 കിലോമീറ്റർ രൂരം സഞ്ചരിക്കാൻ വാഹനത്തിനാകും. അതിവേഗ ചാർജർ ഉപയോഗിച്ചാൽ 40 മിനിറ്റുകൾകൊണ്ട് 80 ശതമാനം ചാർജ് കൈവരിക്കാൻ വാഹനത്തിന് സാധിക്കും എന്ന് നിസൻ അവകാശപ്പെടുന്നു.
