ബോബറും റോമറുമായി മോട്ടോ ഗുച്ചി ഇന്ത്യയിലെത്തുന്നു. മോട്ടോപ്ലക്സ് ഷോറൂമുകൾ വഴി പിയാജിയോയാണ് ബൈക്കുകള്‍ വിൽപ്പനയ്ക്കെത്തിക്കുന്നത്. പ്രധാനമായും യുവാക്കളെ ഉദ്ദേശിച്ചാണ് ക്ലാസിക്ക് ലുക്കും മികച്ച കരുത്തുമായി ഈ ബൈക്കുകള്‍ എത്തുന്നത്.
850 സിസി എൻജിനാണ് രണ്ട് ബൈക്കുകള്‍ക്കുമുള്ളത്. കൂടാതെ ഈ വി ട്വിൻ എൻജിന് 55 ബിഎച്ച്പി കരുത്തും 62 എൻഎം ടോർക്കും ഉത്പാദിപ്പിക്കാന്‍ കഴിയും. പൂർ‌ണ്ണമായും ഇന്ത്യയിലേക്ക് ഇറക്കുമതി ചെയ്യുന്ന ബൈക്കുകൾക്ക് 14 ലക്ഷം രൂപയായിരിക്കും ഏകദേശ വിലയെന്ന് കമ്പനി അറിയിച്ചു.
ഇന്ത്യയില്‍ വില്പനക്കെത്തുന്ന ഈ ബൈക്കുകൾ ആദ്യഘട്ടത്തില്‍ പൂനെ, ഹൈദരാബാദ്, ചെന്നൈ, കൊച്ചി എന്നീ നഗരങ്ങളിലാണ് വിൽപ്പനയ്ക്കെത്തുക. കൂടാതെ പിയാജിയൊ ഗ്രൂപ്പിൽപെട്ട വെസ്പ, ഏപ്രിലിയ, മോട്ടോ ഗുചി ബ്രാൻഡുകളിലെല്ലാം പുതിയ മോഡലുകൾ അവരിപ്പിക്കാന്‍ പദ്ധതിയുണ്ടെന്നും കമ്പനി വ്യക്തമാക്കി