നിരക്ക് കുറച്ച് യാത്രക്കാരെ ആകര്‍ഷിക്കാന്‍ വിമാന കമ്പനികള്‍ തമ്മില്‍ മത്സരം ഇപ്പോള്‍ നടക്കുന്നത്. ഏറ്റവുമൊടുവില്‍ ജെറ്റ് എയര്‍വെയ്സാണ് നിരക്കുകള്‍ ഗണ്യമായി കുറച്ചത്. 25 ശതമാനത്തോളം വരെയാണ് ജെറ്റ് നിരക്ക് കുറച്ചിരിക്കുന്നത്. ഇന്ത്യയില്‍ നിന്ന് ബാങ്കോക്ക്, ഹോച്ചിമിന്‍ സിറ്റി, ഹോങ്കോങ്,സിംഗപ്പൂര്‍ എന്നിവിടങ്ങളിലേക്കാണ് ഈ ഓഫര്‍.
എന്നാല്‍ മാര്‍ച്ച് 21, 22 തിയതികള്‍ക്കുള്ളില്‍ ടിക്കറ്റ് വാങ്ങുന്നവര്‍ക്കും ജൂണ്‍ 16നും നവംബര്‍ 3 നും ഇടയ്ക്ക് മടക്ക യാത്ര നടത്തുവര്‍ക്കും മാത്രമേ ഈ ഓഫര്‍ ലഭ്യമാവുകയുള്ളു. അതിനിടെ ഗോ എയര്‍ തങ്ങളുടെ അഭ്യന്തര സര്‍വീസുകളുടെ ഏറ്റവും കുറഞ്ഞ നിരക്ക് 999 രൂപയാക്കി. എന്നാല്‍ ആദ്യം ബുക്ക് ചെയ്യുന്നവര്‍ക്കായിരിക്കും ഈ ഓഫര്‍ ലഭ്യമാകുക. കൂടുതല്‍ വ്യോമഗതാഗത മേഖലയിലെ കമ്പനികളും ഓഫറുകള്‍ ലഭ്യമാക്കുമെന്നാണ് സൂചന.
