സ്മാർട്ട്ഫോൺ നിർമാതാക്കളില്‍ പ്രമുഖരായ മൈക്രോമാക്സ് തങ്ങളുടെ രണ്ട് പുതിയ പ്രൊഡക്ടുകളുമായി വിപണിയിലെത്തി. യുനൈറ്റ് 4, യുനൈറ്റ് പ്രോ 4 എന്നീ പേരുകളിലാണ് പുതിയ സ്മാര്‍ട്ട്ഫോണുകള്‍ വിപണിയിലെത്തിയിരിക്കുന്നത്.
ഫിംഗര്‍പ്രിന്റ് സ്‌കാനർ, ഡ്യുവല്‍ സിം സപ്പോര്‍ട്ട്, 8 മെഗാപിക്‌സൽ പിൻക്യാമറ, 5 മെഗാപിക്‌സൽ സെൽഫി ക്യാമറ എന്നിവയാണ് ഫോണുകളുടെ പ്രധാന ഫീച്ചറുകള്‍. രണ്ട് മോഡലുകളിലും 5 ഇഞ്ച് എച്ച്ഡി ഡിസ്‌പ്ലേയാണ് ഉള്ളത്.
മൈക്രോമാക്സിന്റെ എല്ലാ റീട്ടെയിൽ സ്റ്റോറുകളിൽ നിന്നും സ്നാപ്ഡീൽ വഴിയും പുതിയ രണ്ട് ഹാൻഡ്സെറ്റുകളും ലഭ്യമാണ്. യുനൈറ്റ് 4ന് 6999രൂപയും യുനൈറ്റ് പ്രോ 4ന് 7499 രൂപയുമാണ് വിപണിയിലെ വില.