ജിഎസ്ടി രാജ്യത്തു പുതിയൊരു വ്യാപാര സംസ്കാരത്തിനു രൂപം നൽകിയെന്ന് പ്രധാനമന്ത്രി നരേന്ദ്ര മോദി. ജിഎസ്ടിയുടെ ഏറ്റവും വലിയ ഗുണം അനുഭവിക്കുക ഉപഭോക്താക്കളാകുമെന്നും പ്രധാനമന്ത്രി വ്യക്തമാക്കി. ഡൽഹിയിൽ രാജ്യാന്തര സമ്മേളനത്തിൽ സംസാരിക്കുകയായിരുന്നു അദ്ദേഹം.
ജിഎസ്ടി ഏർപ്പെടുത്തുന്നതിലൂടെ വില കുറയുമെന്നും ഇതിന്റെ പ്രയോജനം ഉപഭോക്താക്കൾക്കു ലഭിക്കുമെന്നും മോദി കൂട്ടിച്ചേർത്തു. ഉപഭോക്താക്കളെ സംരക്ഷിക്കുന്നതിനുള്ള പുതിയ നിയമം രൂപകൽപ്പന ചെയ്തുകൊണ്ടിരിക്കുകയാണ്. സർക്കാരിന്റെ പ്രധാന പരിഗണന ഉപഭോക്താക്കളുടെ സംരക്ഷണമാണെന്നും മോദി വ്യക്തമാക്കി.