സെമി ഫൈനലില്‍ ലോക ആറാം നമ്പര്‍ താരം നൊസോമി ഒകുഹാരയെ 21-19, 21-10 എന്ന സ്കോറില്‍ പരാജയപ്പെടുത്തിയാണ് പി വി സിന്ധു ഫൈനലിലേക്ക് പ്രവേശനം നേടിയത്. ഇത് ആദ്യമായാണ് ഒരു ഇന്ത്യന്‍ ബാഡ്‌മിന്റണ്‍ താരം ഒളിംപിക്സ് ഫൈനലില്‍ മത്സരിക്കുന്നത്.
കരോലിന മരിനുമായി നിരവധി മത്സരങ്ങളില്‍ ഏറ്റുമുട്ടിയിട്ടുണ്ടെങ്കിലും എല്ലാ മത്സരവും ഒപ്പത്തിനൊപ്പമായിരുന്നു. എന്നാല്‍, ഡെന്മാര്‍ക്ക് ഓപ്പണില്‍ വ്യക്തമായ ആധിപത്യത്തോടെ ആയിരുന്നു സിന്ധു കരോലിന മരിനെ പരാജയപ്പെടുത്തിയത്.
