റിയോ ഒളിംപിക്സ്​: ബ്രസീൽ ഫുട്​ബോൾ ടീമി​നെ നെയ്​മർ നയിക്കും

റിയോ ഒളിംപിക്​സില്‍ പങ്കെടുക്കുന്ന ബ്രസീൽ ഫുട്​ബോൾ ടീമി​നെ നെയ്​മർ നയിക്കും. ജനീവയിൽ നടന്ന വാർത്ത സമ്മേളനത്തിൽ ബ്രസീൽ കോച്ച്​ റൊഗീരിയോ മെക്കാളെയാണ്​ ഇക്കാര്യം വ്യക്തമാക്കിയത്​.

സമീപകാലത്ത്​ ബ്രസീലിനായി നിറംമങ്ങിയ പ്രകടനമായിരുന്നു​ ​നെയ്​മർ കാഴ്ചവെച്ചത്​. എന്നാല്‍ താന്‍ പ്രതീക്ഷിച്ചതി​നേക്കാൾ നന്നായി നെയ്​മർ ​മുന്നേറുന്നുണ്ടെന്നും യുവാക്കളായ സഹതാരങ്ങളുമായി നല്ല ബന്ധമാണ്​ അദ്ദേഹത്തിനുള്ളതെന്നും റൊഗീരിയോ ​കൂട്ടിച്ചേര്‍ത്തു.

2014 സെപ്​തംബറിലായിരുന്നു​ നെയ്​മർ ബ്രസീൽ ഫുട്​ബോൾ ടീമി​ന്റെ ക്യാപ്​റ്റൻ സ്​ഥാനത്തെത്തിയിരുന്നത്​. കൂടാതെ കഴിഞ്ഞ 18 മാസത്തിനിടെ അച്ചടക്ക ലംഘന​ത്തി​ന്റെ പേരിൽ അഞ്ച്​ ചുവപ്പ്​ കാർഡായിരുന്നു​ നെയ്​മറിന്​ ലഭിച്ചത്. 

അതേസമയം, 23 വയസിന്​ മുകളിലുള്ള മൂന്ന്​ കളിക്കാരെ മാത്രമേ​ ടീമിൽ ഉൾപ്പെടുത്താവൂ എന്നാണ് ഒളിമ്പിക്​സ്​ കമ്മിറ്റിയുടെ നിയമം. നെയ്​മറിനെ കൂടാതെ ഗോളി റെനോറ്റോ അഗസ്​​റ്റോ, മിഡ്​ ഫീൽഡർ ബീജിങ്​ ഗുവോൺ എന്നിവരാണ്​ ഈ വിഭാഗത്തിലുള്ളത്​.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം