21 ഗ്രാൻപ്രികൾ പൂർത്തിയായപ്പോൾ 369.5 പോയന്റ് നേടി ഇരുവരും സമനിലയിലായിരുന്നു. 2008ന് ശേഷം കിരീടപോരാട്ടം അവസാന ഗ്രാൻപ്രീയിലേക്ക് നീളുന്നത് ഇതാദ്യമായാണ്. അതേസമയം കരിയറിലെ എട്ടാം കിരീടമെന്ന ചരിത്രനേട്ടമാണ് ഹാമിൽട്ടന് നഷ്ടമായത്. ജയിക്കാനായിരുന്നെങ്കിൽ ഇതിഹാസ താരം മൈക്കൽ ഷൂമാക്കറെ മറികടന്ന് ഏറ്റവും കൂടുതൽ എഫ്1 കിരീടമെന്ന റെക്കോർഡ് ഹാമിൽട്ടന് സ്വന്തമായേനെ.
