ക്ലബ്ബ് ചരിത്രത്തിലെ ഏറ്റവും കരുത്തുറ്റ നിരയുമായി എത്തുന്ന കാര്‍ലോ ആഞ്ചലോട്ടിയുടെ റയല്‍ സംഘത്തിന് ജയത്തില്‍ കുറഞ്ഞത് ഒന്നും പ്രതീക്ഷിക്കുന്നില്ല. 2001-02 സീസണിലാണ് റയല്‍ അവസാനമായി കിരീടത്തില്‍ മുത്തമിട്ടത്.
റയലിന്റെ കഴിഞ്ഞ രണ്ട് മത്സരങ്ങളില്‍ ക്രിസ്റ്റ്യാനോ കളിച്ചിരുന്നില്ല. തുടയ്‌ക്കേറ്റ പരുക്കായിരുന്നു കാരണം. സെമിയില്‍ രണ്ടാം മഞ്ഞക്കാര്‍ഡ് കണ്ട് പുറത്തായ സാബി അലോണ്‍സോയുടെ അഭാവം ഫൈനലില്‍ റയല്‍ മധ്യനിരയില്‍ നിഴലിക്കുമെന്നുറപ്പാണ്.
