13 മാസങ്ങൾക്ക് ശേഷം കളിക്കളത്തിൽ, ജയത്തോടെ തിരിച്ചുവരവ് ഗംഭീരമാക്കി ഫെഡറർ

13 മാസത്തിന് ശേഷം ടെന്നീസ് കോർട്ടിൽ തിരിച്ചെത്തിയ ഇതിഹാസതാരം റോജർ ഫെഡറർക്ക് വിജയത്തുടക്കം. ഖത്തർ ഓപ്പണിൽ ബ്രിട്ടീഷ് താരം ഡാനിയേല്‍ ഇവാന്‍സിനെ ഒന്നിനെതിരെ രണ്ട് സെറ്റുകള്‍ക്ക് തോല്‍പ്പിച്ചാണ് ഫെഡറര്‍ തുടങ്ങിയത്. സ്കോർ(6-7) (6-3) (5-7).

കാല്‍മുട്ടിന് നടത്തിയ രണ്ട് ശസ്ത്രക്രിയ‌ക്ക്  ശേഷം വിശ്രമത്തിലായിരുന്നു സ്വിസ് ഇതിഹാസം. ദീര്‍ഘനാളുകള്‍ക്ക് ശേഷം ടെന്നിസിലേക്ക് തിരിച്ചെത്തിയതിന്റെ ബുദ്ധിമുട്ടുകള്‍ ഫെഡററില്‍ കാണാമായിരുന്നു. രണ്ടാം സെറ്റ് നഷ്ടപ്പെടുത്തിയതിന് ശേഷമായിരുന്നു ഫെഡററുടെ വിജയം.