ടെന്നീസിലേക്ക് തിരിച്ചുവരിക എന്നതുതന്നെയാണ് എന്റെ പ്രധാന ലക്ഷ്യം. എന്നാല്‍, ഇപ്പോള്‍ ഗര്‍ഭസ്ഥശിശുവിന് തന്നെയാണ് ജീവിതത്തില്‍ ഏറ്റവും പ്രധാനം. എങ്കിലും കുട്ടിള്‍ക്ക് മുന്നില്‍ ഒരു മാതൃകയാവാനായി ടെന്നിസിലേക്ക് എനിക്ക് തിരിച്ചുവരണം.
ഗര്‍ഭധാരണം സ്ത്രീകളുടെ ജീവിതത്തിന്റെ ഭാഗമാണ്. ജീവിതത്തില്‍ ഒന്നിനും ഒരു തടസമാവരുത്. കുടുംബം വലുതായി കഴിയുമ്പോള്‍ ടെന്നിസ് പിറകോട്ട് അടിക്കുന്നത് സ്വാഭാവികമാണ്. എന്റെ ഗര്‍ഭകാലം മുതലാക്കി ആര്‍ക്കെങ്കിലും ടെന്നീസിലെ എന്റെ സ്ഥാനം പിടിച്ചെടുക്കാവുന്നതേയുള്ളൂ. ഇന്നല്ലെങ്കില്‍ നാളെ ആരെങ്കിലും ഒരാള്‍ വരും. പ്രസവം കഴിഞ്ഞാല്‍ കളിക്കളത്തില്‍ എത്തുന്നതിനായിരിക്കും പ്രഥമ പരിഗണനയെന്നും സാനിയ പറഞ്ഞു.
