സ്പാനിഷ് ലീഗില്‍ മുന്‍‌നിര ടീമുകള്‍ക്ക് വിജയം. കഴിഞ്ഞ ദിവസം നടന്ന മത്സരത്തില്‍ ബാഴ്‌സലോണ എതിരില്ലാത്ത ഒരു ഗോളിന് ലെവാന്റയെ കീഴടക്കിയപ്പോള്‍ റയല്‍ മാഡ്രിഡ് റയാന്‍ ബെറ്റിസിനെ കീഴടക്കി.
എന്‍പത്തിനാലാം മിനിറ്റില്‍ സെസ്‌ക് ഫാബ്രിഗസാണ് ബാഴ്‌സയുടെ വിജയ ഗോള്‍ നേടിയത്. സൂപ്പര്‍ സ്റ്റാര്‍ നായകന്‍ മെസിയില്ലാതെ ഇറങ്ങിയ മത്സരത്തില്‍ ബാഴ്‌സയ്ക്ക് പതിവ് ആധിപത്യം പുലര്‍ത്താന്‍ കഴിഞ്ഞില്ല.
റയലിന് വേണ്ടി മെസുട്ട് ഒസില്‍ (45, 90), കരിം ബെന്‍സിമ (57) എന്നിവരാണ് ഗോള്‍ നേടിയത്. ഈ വിജയത്തോടെ ലീഗില്‍ രണ്ടാം സ്ഥാനത്തുള്ള റയല്‍ മാഡ്രിഡിന് 32 കളികളില്‍ 71 പോയിന്റായി.
