ഇന്ത്യയുടെ സൈന നെഹ്‌വാളിന്‌ സ്വിസ്‌ ഓപ്പണ്‍ ഗ്രാന്‍ പ്രീ ഗോള്‍ഡ്‌ ബാഡ്‌മിന്റണ്‍ കിരീടം. വനിതാ സിംഗിള്‍സ്‌ ഫൈനലില്‍ ദക്ഷിണ കൊറിയയുടെ ജി ഹ്യൂ സുംഗിനെയാണ് സൈന പരാജയപ്പെടുത്തിയത്.
ജി ഹ്യൂ സുംഗിനെ 21-13, 21-14 എന്ന സ്‌കോറിനാണ് സൈന പരാജയപ്പെടുത്തിയത്. ജി ഹ്യൂവിനെതിരേ സൈന നേടുന്ന രണ്ടാമത്തെ ജയമാണിത്‌. കഴിഞ്ഞ വര്‍ഷം നടന്ന ഇന്തോനീഷ്യ ഓപ്പണ്‍ സൂപ്പര്‍ സീരിസിലാണ്‌ സൈന ആദ്യം ജയിച്ചത്‌.
ദക്ഷിണ കൊറിയയുടെ തന്നെ ബായ്‌ യൂന്‍ ജൂവിനെയാണ്‌ സൈന സെമിഫൈനലില്‍ പരാജയപ്പെടുത്തിയത്.