റയലിനെ ഒസസൂന അട്ടിമറിച്ചു

സ്‌പാനിഷ് ലീഗ് ഫുട്ബോളില്‍ കരുത്തരായ റയല്‍ മാഡ്രിഡിനെ ഒസസൂനെ അട്ടിമറിച്ചു. എതിരില്ലാത്ത ഒരു ഗോളിനാണ് ഒസസൂനയുടെ ജയം. ഹൊസെ മോറീഞ്ഞോ പരിശീലകനായതിന് ശേഷം ലീഗില്‍ റയലിന്റെ രണ്ടാം തോല്‍വിയാണിത്.

അറുപത്തിരണ്ടാം മിനിറ്റിലായിരുന്നു ഒസസൂന വിജയ ഗോള്‍ നേടിയത്. ഹവിയര്‍ കാമുനാസാണ് ഒസസൂനയുടെ വിജയശില്‍പ്പി.

ഈ തോല്‍‌വി റയലിന്റെ കിരീട പ്രതീക്ഷകള്‍ക്ക് മങ്ങലേല്‍പ്പിച്ചു. ഒന്നാം സ്ഥാനക്കാരായ ബാഴ്‌സലോണയെക്കാള്‍ ഏഴ്‌ പോയിന്റ് പിന്നിലാണ് ഇപ്പോള്‍ റയല്‍.