ഇംഗ്ലീഷ് പ്രീമിയര്‍ ലീഗ് ഫുട്‌ബോളില്‍ ബര്‍മിങ്ങാം സിറ്റിക്കെതിരെ മാഞ്ചസ്റ്റര്‍ യുണൈറ്റഡിന് തകര്‍പ്പന്‍ ജയം. എതിരില്ലാത്ത അഞ്ചുഗോളുകള്‍ക്കാണ് യുണൈറ്റഡിന്റെ ജയം. 22 കളികളില്‍നിന്ന് 48 പോയന്‍റുമായി മാഞ്ചസ്റ്റര്‍ യുണൈറ്റഡ് ഇംഗ്ലീഷ് പ്രീമിയര്‍ ലീഗില്‍ മുന്നേറ്റം തുടരുകയാണ്.
ബള്‍ഗേറിയന്‍ താരം ദിമിത്തര്‍ ബെര്‍ബറ്റോവിന്റെ ഹാട്രിക്കാണ് മാഞ്ചസ്റ്റര്‍ യുണൈറ്റഡിന് തകര്‍പ്പന്‍ വിജയം സമ്മാനിച്ചത്. 2, 31, 53 മിനിറ്റുകളിലായിരുന്നു ബെര്‍ബറ്റോവ് ഗോളുകള്‍ നേടിയത്. 17 ഗോളുകളുമായി ബെര്‍ബറ്റോവാണ് ഇപ്പോള്‍ ടോപ്‌സ്‌കോറര്‍ പട്ടത്തില്‍ മുന്നിലുള്ളത്. 45-ാം മിനിറ്റില്‍ റയാന്‍ ഗിഗ്‌സും 76-ാം മിനിറ്റില്‍ നാനിയും യുണൈറ്റഡിന് വേണ്ടി ഗോള്‍ നേടി.
മറ്റൊരു മത്സരത്തില്‍ മാഞ്ചസ്റ്റര്‍ സിറ്റി ആസ്റ്റണ്‍ വില്ലയോട് (0-1) പരാജയപ്പെട്ടു.
