രണ്ടാം നമ്പര്‍ താരം റോജര്‍ ഫെഡററിനു പിന്നാലെ ഒന്നാം നമ്പര്‍ താരം റാഫേല്‍ നദാലും യു എസ് ഓപ്പണ്‍ ടെന്നീസ് മൂന്നാം റൌണ്ടിലേക്ക് ചുവടു വച്ചു. അമേരിക്കന്‍ ക്വാളിഫയര്‍ റെയ്ലര്‍ ഡി ഹേര്‍ട്ടിനെയാണ് കീഴടക്കിയത്.
ഇരുവരും തമ്മില്‍ വ്യാഴാഴ്ച നടന്ന പോരാട്ടത്തില്‍ 6-1 6-2 6-4 എന്ന സ്കോറിനായിരുന്നു താരത്തിന്‍റെ ജയം. ഒന്നാം റൌണ്ടില്‍ ഒളിവര്‍ റോക്കസിനെ മറികടന്നാണ് ഡി ഹാര്‍ട്ട് രണ്ടാം റൌണ്ടിലേക്ക് കടന്നത്.
എതിരാളിയോട് ഒരു ദയയും കാണിക്കാതിരുന്ന താരം ഒരു മണിക്കൂറും 40 മിനിറ്റുമാണ് ഡി ഹാര്‍ട്ടിനെ പറഞ്ഞിവിടാന്‍ ചെലവഴിച്ചത്. സെര്‍ബിയന്‍ താരം വിക്ടര്‍ ട്രോയിക്കിയെ അടുത്ത മത്സരത്തില്‍ നദാല്‍ നേരിടും.
ജര്‍മ്മന്‍ താരം ഫിലിപ്പ് കോള്‍ ഷ്രൈബറെയാണ് ട്രോയിക്കി രണ്ടാം റൌണ്ടില്‍ 2-6 6-3 6-4 3-0 എന്ന സ്കോറിനു തോല്‍പ്പിച്ചത്. നേരത്തെ ഡേവിഡ് ഫെററര്‍, ഡെവിഡ് നല്‍ ബന്ധിയാന്‍ എന്നിവര്‍ വിജയം നേടിയിരുന്നു.
ഡേവിഡ് ഫെററര്‍ 4-6 7-5 6-3 7-6 എന്ന സ്കോറിനു ജര്‍മ്മനിയുടെ ആന്ദ്രിയാസ് ബെക്കിനെ പരാജയപ്പെടുത്തി. ഡേവിഡ് നല്‍ബന്ധിയാന്‍ ആന്ദ്രേ ഗൊളുബേവിനെ തോല്‍പ്പിച്ചത് 6-2 6-4 6-2 എന്ന സ്കോറിനായിരുന്നു.
ജയിംസ് ബ്ലേക്ക്, മാര്‍ഡി ഫിഷ്, കെയ് നിഷികോരി, സ്റ്റാനിസ്ലാസ് വാവ്രിങ്ക, യുവാന്‍ മാര്‍ട്ടിന്‍ ഡെല്‍ പെട്രോ, സാമി ക്വറി, ഇവോ കാര്‍ലോവിക്ക് എന്നിവരാണ് ജയം കണ്ടെത്തിയ മറ്റ് താരങ്ങള്‍
