ഓസ്ട്രേലിയന്‍ ഓപ്പണ്‍ കിരീടം ദ്യോകോവിച്ചിന്

ഓസ്ട്രേലിയന്‍ ഓപ്പണ്‍ പുരുഷ വിഭാഗം സിംഗിള്‍സ്‌ കിരീടം സെര്‍ബിയന്‍ താരം നോവാക്‌ ദ്യോകോവിച്ചിന്‌.

ബ്രിട്ടീഷ്‌ താരം ആന്‍ഡി മുറെയെ നേരിട്ടുള്ള സെറ്റുകള്‍ക്ക്‌ തോല്‍പിച്ചാണ്‌ ദ്യോകോവിച്ച് കിരീടം സ്വന്തമാക്കിയത്‌. സ്കോര്‍ 6-4, 6-2, 6-3.

ഓസ്ട്രേലിയന്‍ ഓപ്പണ്‍ ടെന്നീസിന്റെ നിലവിലെ ചാമ്പ്യനായിരുന്ന റോജര്‍ ഫെഡററെ പുറത്താക്കിയായിരുന്നു മൂന്നാം റാങ്കുകാരനായ ദ്യോകോവിച്ച് ഫൈനലിലെത്തിയത്. ഏകപക്ഷീയമായ മൂന്ന് സെറ്റുകള്‍ക്കായിരുന്നു ദ്യോകോവിച്ച് ഫെഡററെ പരാജയപ്പെടുത്തിയത്.

ലോക ഒന്നാം നമ്പര്‍ റാഫേല്‍ നഡാല്‍ നേരത്തെ ക്വാര്‍ട്ടറില്‍ തന്നെ പുറത്തായിരുന്നു.