കെപിസിസിയുടെ രാഷ്ട്രീയകാര്യ സമിതി ഇന്ന് തിരുവനന്തപുരത്ത് ചേരും. സോളാര്‍ റിപ്പോര്‍ട്ട് നവംബറില്‍ നിയമസഭയില്‍ സമര്‍പ്പിക്കാനിരിക്കെ പ്രതിസന്ധിഘട്ടത്തെ എങ്ങനെ മറികടക്കാം എന്നാകും യോഗം ചര്‍ച്ച ചെയ്യുക. അതേസമയം രാഷ്ട്രീയകാര്യ സമിതി ചേര്‍ന്ന് വിഷയം ചര്‍ച്ച ചെയ്യാന്‍ ദില്ലിയില്‍ ഹൈക്കമാന്‍ഡുമായി നടത്തിയ ചര്‍ച്ചയില്‍ കേരളത്തില്‍ നിന്നുള്ള നേതാക്കള്‍ക്ക് അനുമതി ലഭിച്ചിരുന്നു.
ഉമ്മന്‍ചാണ്ടി, രമേശ് ചെന്നിത്തല, വി ഡി സതീശന്‍, വി എം സുധീരന്‍ ഉള്‍പ്പെടെയുള്ള നേതാക്കളാണ് ഹൈക്കമാന്‍ഡുമായി ചര്‍ച്ച നടത്തിയത്. റിപ്പോര്‍ട്ടിന്മേല്‍ ആരോപണവിധേയരായ നേതാക്കള്‍ക്കുള്‍പ്പെടെ പൂര്‍ണ്ണപിന്തുണയാണ് ഹൈക്കമാന്‍ഡ് പ്രഖ്യാപിച്ചത്.