ഇന്‍സ്റ്റഗ്രാം സ്റ്റോറിയിലാണ് ഫൈസാബാദ് തിരെഞ്ഞെടുപ്പ് ഫലത്തെ പറ്റിയുള്ള തന്റെ നിരീക്ഷണങ്ങള്‍ സുനില്‍ ലാഹ്‌റി പങ്കുവെച്ചത്. ബാഹുബലി ചിത്രത്തിലെ ബാഹുബലിയെ കട്ടപ്പ പിന്നില്‍ നിന്നും കുത്തുന്ന ചിത്രം പങ്കുവെച്ചാണ് സുനില്‍ ലാഹ്‌റിയുടെ പോസ്റ്റ്. വനവാസം കഴിഞ്ഞ് തിരിച്ചെത്തിയ സീതാദേവിയെ സംശയിച്ച അതേ അയോദ്ധ്യയിലെ പൗരന്മാരാണ് അയോദ്ധ്യക്കാരെന്ന് നാം മറന്നുവെന്നും ദൈവത്തെ പോലും നിഷേധിക്കുന്നവരെ സ്വാര്‍ഥര്‍ എന്നാണ് വിളിക്കേണ്ടതെന്നും അയോധ്യയിലെ പൗരന്മാര്‍ എപ്പോഴും തങ്ങളുടെ രാജാവിനെ വഞ്ചിച്ചവരാണെന്നും ചരിത്രമാണ് അതിന് സാക്ഷിയെന്നും സുനില്‍ ലാഹ്‌റി കുറിച്ചു. ഫൈസാബാദില്‍ 54,567 വോട്ടുകള്‍ക്കാണ് ബിജെപി സ്ഥാനാര്‍ഥി പരാജയപ്പെട്ടത്.
