യുവതിയുടെ ഭര്‍ത്താവ് ഓട്ടോ ഡ്രൈവറാണ്. ഫദീദാബാദ് എസ്ജിഎം നഗറിലാണ് ഇരുവരും താമസിക്കുന്നത്. ഓട്ടോയുമായി രാവിലെ വീട്ടില്‍ നിന്ന് പോയാല്‍ പിന്നെ രാത്രിയാണ് തിരിച്ചെത്തുന്നത്. ഈയിടെയായി പല ദിവസങ്ങളിലും രാത്രി വീട്ടിലെത്തിയിരുന്നില്ല. ഭര്‍ത്താവ് വീട്ടിലെത്താതെ വന്നതോടെ യുവതിക്ക് സംശയമായി. ഭര്‍ത്താവിന് മറ്റൊരു സ്ത്രീയുമായി ബന്ധമുണ്ടെന്ന് യുവതി ആരോപിച്ചു. ഇക്കാര്യത്തെ ചൊല്ലി ഭാര്യയും ഭര്‍ത്താവും തമ്മില്‍ വഴക്കുണ്ടായി. ഭര്‍ത്താവിനോട് പ്രതികാരം ചെയ്യണമെന്ന് യുവതി ഉറപ്പിച്ചു. ഇതേതുടര്‍ന്നാണ് ഭര്‍ത്താവിനെ കഞ്ചാവ് കേസില്‍ കുടുക്കാന്‍ പദ്ധതി തയ്യാറാക്കിയത്.
