കാർ കനാലിലേക്ക് മറിഞ്ഞ് ഡ്രൈവറടക്കം പത്തു പേർ മരിച്ചു. ഞായറാഴ്ച പുലർച്ചെയാണ് മഥുരയിലെ മൊഗാരാ ഗ്രാമത്തിലെ മഥുര– ജാജംപതി റോഡില്‍ അപകടമുണ്ടായത്. മരിച്ച ഒമ്പതു പേരും ബന്ധുക്കളാണ്. മരിച്ചവരിൽ രണ്ടു കുട്ടികളും ഉൾപ്പെടുന്നു.
രാജസ്ഥാനിലെ ദൗസ ജില്ലയിലെ പ്രസിദ്ധമായ മെഹന്ദിപൂർ ബാലാജിയിലേക്കു ഇന്നോവ കാറിൽ പോകുകയായിരുന്ന സംഘമാണു അപകടത്തില്‍പ്പെട്ടത്. കാർ പൂർണമായും കനാലിൽ മുങ്ങിയതാണു ദുരന്തത്തിന്റെ തീവ്രത വർധിപ്പിച്ചതെന്നും ഡ്രൈവർ ഉറങ്ങിയതാകാം അപകടകാരണമെന്നും നാട്ടുകാർ പറഞ്ഞു.