വിപ്ലവകരമായ തീരുമാനവുമായി തമിഴ്‌നാട് സര്‍ക്കാര്‍. തമിഴ്‌നാട്ടില്‍ പാഠപുസ്തകങ്ങളിലുള്ള പ്രമുഖ വ്യക്തികളുടെ ജാതിവാല്‍ വെട്ടിമാറ്റാന്‍ സര്‍ക്കാര്‍ തീരുമാനിച്ചു. പഠിച്ചുവരുന്ന കുട്ടികളില്‍ ജാതിചിന്ത ഉണ്ടാകാതിരിക്കാനാണ് ഇത്തരമൊരു നടപടിയിലൂടെ സര്‍ക്കാര്‍ ലക്ഷ്യമിടുന്നത്. ജാതിയുടെ പേരില്‍ വലിയ വിവേചനങ്ങളും കൊലപാതകങ്ങളും തമിഴ്‌നാട്ടില്‍ സാധാരണമാണ്. ഇതിനൊരു മാറ്റമെന്ന തരത്തിലുള്ള സുപ്രധാന ചുവടുവയ്പ്പാണ് ഇത്.
