മനോഹരമായ ശ്മശാനമാണ് താജ്മഹലെന്ന് ഹരിയാന കാബിനറ്റ് മന്ത്രി അനിൽ വിജ്. താജ്മഹല്‍ ലോകപ്രശസ്തമാണെങ്കിലും അത് മനോഹരമായ ശ്മശാനമാണെന്നും അതിനാലാണ് ആളുകൾ താജ്മഹലിനെ അശുഭസൂചനയായി കാണുന്നതെന്നും അദ്ദേഹം പറഞ്ഞു.
താജ്മഹലിനുള്ളിൽ ശവകുഴികൾ ഉണ്ട്. അതുകൊണ്ടാണ് താജ്മഹലിന്‍റെ മാതൃകയിലുള്ള വീടുകൾ നിർമിക്കാന്‍ ആളുകള്‍ തയ്യാറാകാത്തതെന്നും അനിൽ പറഞ്ഞു. ഉത്തർപ്രദേശ് സർക്കാർ ടൂറിസം കലണ്ടറിൽനിന്നും താജ്മഹലിനെ ഒഴിവാക്കിയതോടെയാണ് ഇതു സംബന്ധിച്ച വിവാദങ്ങൾ‌ക്കു തുടക്കമായത്.