മുന്‍ കേന്ദ്രമന്ത്രിയും ശശി തരൂരിന്റെ ഭാര്യ സുനന്ദ പുഷ്കറിന്റെ മരണം സംബന്ധിച്ച് അവ്യക്തത തുടരുന്നു. മരണത്തെക്കുറിച്ച് അന്വേഷിക്കാന്‍ നിയോഗിച്ച പുതിയ വിദഗ്ധ സംഘത്തിന്റെ റിപ്പോര്‍ട്ടിലും കൂടുതല്‍ വിവരങ്ങളില്ലെന്നാണ് റിപ്പോര്‍ട്ടുകള്‍. ഈ സാഹചര്യത്തില്‍ സുനന്ദയുടെ ഫോണിലെ സന്ദേശങ്ങള്‍ കേന്ദ്രീകരിച്ച് അന്വേഷണം നടത്താനാണ് അന്വേഷണസംഘം ലക്‌ഷ്യമിടുന്നത്.
സുനന്ദ പുഷ്കറിന്റെ മരണം സംബന്ധിച്ച എയിംസിന്റെയും എഫ് ബി ഐയുടെയും റിപ്പോര്‍ട്ടുകള്‍ പരിശോധിക്കാനാണ് ജൂണില്‍ വിദഗ്ധസംഘത്തെ നിയോഗിച്ചത്. എന്നാല്‍, രണ്ടാഴ്ച മുമ്പ് സമര്‍പ്പിച്ച പരിശോധന റിപ്പോര്‍ട്ടില്‍ കൂടുതല്‍ വിവരങ്ങളൊന്നും കണ്ടെത്താനായിട്ടില്ല.
അതേസമയം, സുനന്ദയുടെ ബ്ലാക്‌ബെറി ഫോണിലെ ചാറ്റുകള്‍ ലഭിക്കാനായി യു എസ് കോടതിയുടെ അനുമതി അന്വേഷണസംഘത്തിന് ലഭിച്ചിട്ടുണ്ട്. ബ്ലാക്‌ബെറി മെസഞ്ചര്‍ ചാറ്റുകള്‍ നേടി അന്വേഷണം വേഗത്തിലാക്കാനുള്ള ശ്രമത്തിലാണ് അന്വേഷണസംഘം ഇപ്പോള്‍.