അനധികൃത ലോണ്‍ ആപ്പ് സംഘത്തിന്റെ ഭീഷണിയെ തുടര്‍ന്ന് നാലംഗ കുടുംബം ആത്മഹത്യ ചെയ്തു. ആന്ധ്രപ്രദേശ് ശാന്തിനഗര്‍ സ്വദേശികളായ രമ്യ ലക്ഷ്മി, ഭര്‍ത്താവ് ദുര്‍ഗാ റാവു മക്കളായ നാഗസായി വിഖിത ശ്രീ എന്നിവരാണ് ആത്മഹത്യ ചെയ്തത്. രണ്ടുമാസം മുമ്പ് ഇവര്‍ മുപ്പതിനായിരം രൂപ ലോണ്‍ ആപ്പ് സംഘത്തില്‍ നിന്നും വാങ്ങിയിരുന്നു. കഴിഞ്ഞ ദിവസങ്ങളിലായി ഇവര്‍ പതിനായിരം രൂപ തിരിച്ചടച്ചെങ്കിലും തുക പലിശ അടക്കം വലിയ തോതില്‍ ഉയര്‍ന്നിരുന്നു.
