കൊവിഡ് വ്യാപനം രൂക്ഷമായ ഡൽഹിയിൽ പൊതുസ്ഥലത്ത് പുകയില ഉപയോഗിക്കുന്നതിനും തുപ്പുന്നതിനും രണ്ടായിരം രൂപ പിഴ.പൊതു സ്ഥലങ്ങളിലെ പുകയില ഉപയോഗം, പൊതുസ്ഥലത്ത് തുപ്പുക, ക്വാറന്റീന്‍ ലംഘനം, മുഖാവരണം ധരിക്കാതിരിക്കുക,സാമൂഹിക അകലം പാലിക്കാതിരിക്കുക എന്നിവയ്‌ക്ക് 2,000 രൂപ പിഴയീടാക്കുമെന്നാണ് ഡൽഹി സർക്കാറിന്റെ സർക്കുലർ പറയുന്നത്.
കൊവിഡ് രൂക്ഷമായ സാഹചര്യത്തിലാണ് ഡൽഹിയിൽ മുഖാവരണം ധരിക്കാത്തവര്‍ക്കുള്ള പിഴ 500ല്‍ നിന്ന് 2000 ആക്കി വർധിപ്പിച്ചത്.ഡൽഹിയിൽ പൊതുഇടങ്ങളിൽ മുഖാവരണങ്ങള്‍ വിതരണം ചെയ്യാന്‍ എല്ലാ രാഷ്ട്രീയ പാര്‍ട്ടികളോടും സന്നദ്ധ സംഘടനകളോടും മുഖ്യമന്ത്രി അരവിന്ദ് കേജ്രിവാൾ അഭ്യർത്ഥിച്ചിരുന്നു. ഡൽഹിയിൽ ദീപാവലി ആഘോഷസമയത്ത് ഷോപ്പിങ് നടത്തുമ്പോൾ പലരും മാസ്‌ക് ധരിക്കുകയോ സാമൂഹിക അകലം പാലിക്കുകയോ ചെയ്തിരുന്നില്ലെന്ന് കെജ്രിവാള്‍ ചൂണ്ടിക്കാട്ടിയിരുന്നു.
