കഴിഞ്ഞ 24 മണിക്കൂറിനിടെ 69,652 പേർക്ക് കൊവിഡ് ബാധ. രാജ്യത്ത് ഒറ്റ ദിവസം റിപ്പോർട്ട് ചെയ്യുന്ന ഏറ്റവും ഉയർന്ന നിരക്കാണ് ഇത്. ഇതോടെ രാജ്യത്ത് ആകെ കൊവിഡ് സ്ഥിരീകരിച്ചവരുടെ എണ്ണം 28,36,926 ആയി. 977 പേരാണ് ഇന്നലെ മാത്രം രാജ്യത്ത് മരണപെട്ടത്. ഇതോടെ രാജ്യത്ത് ആകെ മരണസംഖ്യ 53,866 ആയി ഉയർന്നു. 6,86,395 പേരാണ് നിലവിൽ ചികിത്സയിലുള്ളത്. 20,96,665 പേർ രാജ്യത്ത് കൊവിഡിൽന്നും രോഗമുക്തി നേടി.
മഹാരാഷ്ട്രയിൽ 6,28,642 പേർക്കാണ് കൊവിഡ് സ്ഥിരീകരിച്ചത്. ഇന്നലെ മാത്രം 13,165 പുതിയ കേസുകൾ മഹാരാഷ്ട്രയിൽ റിപ്പോർട്ട് ചെയ്തു. മഹരാഷ്ട്രയിൽ ഒരു ദിവസം റിപ്പോർട്ട് ചെയ്യുന്ന ഏറ്റവും ഉയർന്ന നിരക്കാണ് ഇത്. ഇന്നലെ 343 പേർ കൂടി മരണപ്പെട്ടതോടെ സംസ്ഥാനത്തെ മരണസംഖ്യ 21,033 ആയി ഉയർന്നു. മുംബൈ നഗരത്തിൽ മാത്രം 1,31,542 പേർക്കാണ് രോഗം സ്ഥിരീകരിച്ചത്. 7,268 പേർ മുംബൈ നഗരത്തിൽ മരണപ്പെട്ടു.