ചെന്നൈയിലെ എംജിഎം ഹെല്‍ത്ത് കെയര്‍ ആശുപത്രിയില്‍ ചികിത്സയിലിരിക്കെയാണ് അന്ത്യം. മകന്‍ എസ്പി ചരണ്‍, സഹോദരിയും ഗായികയുമായ എസ്പി, ശൈലജ, സംവിധായകന്‍ ഭാരതി രാജ അടക്കമുളളവര്‍ മരണസമയത്ത് ആശുപത്രിയില്‍ അദ്ദേഹത്തിനൊപ്പമുണ്ടായിരുന്നു. കൊവിഡാണെന്നറിഞ്ഞപ്പോള്‍ താന്‍ വേഗം തിരിച്ചുവരുമെന്നും ആരും ആശങ്കപ്പെടെണ്ടായെന്നും പറഞ്ഞിട്ടായിരുന്നു അദ്ദേഹം ആശുപത്രിയില്‍ പോയത്. എന്നാല്‍ ആ ആത്മവിശ്വാസത്തെ വിധി പരിഗണിച്ചില്ല. ദീര്‍ഘനാള്‍ ആശുപത്രിയില്‍ കിടക്കുകയും ഇടക്കിടെ ആരോഗ്യ നിലയില്‍ മാറ്റവും വന്നിരുന്നു. ഈയിടെ കൊവിഡ് നെഗറ്റീവായത് എല്ലാവര്‍ക്കും ആശ്വാസം നല്‍കിയിരുന്നു.
