ക്യാൻസർ മൂർദ്ധന്യാവസ്ഥയിൽ, പൊരുതി തിരിച്ചുവരും- സൊണാലി ബെന്ദ്ര

ഒരു കാലഘട്ടത്തെ ത്രസിപ്പിക്കുകയും അടയാളപ്പെടുത്തുകയും ചെയ്ത സുന്ദരിയായ അഭിനേത്രിയാണ് ബോളിവുഡ് താരമാണ് സൊണാലി ബെന്ദ്ര. തനിക്ക് സ്താനാർബുദമാണെന്ന താരത്തിന്റെ വെളിപ്പെടുത്തലിൽ ഞെട്ടിയിരിക്കുകയാണ് ബൊളിവുഡ്. 

ഇന്‍സ്റ്റാഗ്രാമിലൂടെയാണ് സൊണാലി രോഗവിവരങ്ങള്‍ ആരാധകരുമായി പങ്കുവയ്ച്ചത്. ‘ചില കാര്യങ്ങൾ അപ്രതീക്ഷിതമായിട്ടാണ് സംഭവിക്കുക. എനിക്ക് അർബുദമാണ്. രോഗം എന്റെ ശരീരത്തെ ആഴത്തിൽ ബാധിച്ചശേഷമാണ് തിരിച്ചറിഞ്ഞത്. പക്ഷേ, ഞാൻ തിരിച്ചുവരും. എന്റെ കുടുംബവും കൂട്ടുകാരും എന്നോടൊപ്പമുണ്ട്’. - സൊണാലി കുറിച്ചു.

1994 ൽ പുറത്തിറങ്ങിയ ആഗ് എന്ന ചിത്രത്തിലൂടെയാണ് സൊണാലിയുടെ വരവ്. എഴുപതോളം സിനിമകളിൽ അവർ വേഷമിട്ടു. സന്തോഷത്തോടും പുഞ്ചിരിയോടും കൂടെ സഹജീവികളെ വരവേറ്റ താരമെന്ന സവിശേഷതയും സൊണാലിക്കുണ്ട്.