സ്ത്രീയുടെ അഭിമാനത്തേക്കാള്‍ വലുതാണ് വോട്ടിന്റെ മഹത്വമെന്ന് പ്രമുഖ രാഷ്‌ട്രീയനേതാവ് ശരത് യാദവ്. എ എന്‍ ഐ ആണ് ഈ വാര്‍ത്ത പുറത്തുവിട്ടത്. ബാലറ്റ് പേപ്പറിന്റെ ശക്തിയെന്താണെന്ന് ജനങ്ങളെ പഠിപ്പിക്കേണ്ടത് വളരെ അത്യാവശ്യമാണ്. നിങ്ങളുടെ മകളുടെ അഭിമാനത്തേക്കാള്‍ വലുതാണ് വോട്ട് ചെയ്യുമ്പോള്‍ ഉണ്ടാകുന്ന മഹത്വമെന്ന് ആയിരുന്നു ശരത് യദവിന്റെ പരാമര്‍ശം.
ഒരു പെണ്‍കുട്ടിയുടെ മാനം നഷ്‌ടപ്പെട്ടാല്‍ ആ കുടുംബത്തിന്റെയും ഗ്രാമത്തിന്റെയും അഭിമാനമാണ് നഷ്‌ടപ്പെടുന്നത്. എന്നാല്‍, തെരഞ്ഞെടുപ്പില്‍ പണത്തിനായി ഒരു വോട്ട് മറിച്ചു നല്കിയാല്‍ രാജ്യത്തിന്റെ അഭിമാനമാണ് നഷ്‌ടപ്പെടുന്നതെന്നും പ്രസംഗത്തില്‍ ശരത് യാദവ് പറഞ്ഞു.
