ജീവിക്കാനുള്ള സ്വാതന്ത്യ്രമാണ് പ്രധാനം. ഒരാളുടെ ലൈംഗികത ഭയത്തോടെ ജീവിക്കാനുള്ള ഒരു കാരണമാകരുത്. എൽ ജി ബി ടി സമൂഹത്തിന് മറ്റെല്ലാവരും ജീവിക്കുന്നത് പോലെ ജീവിക്കാനുള്ള അവകാശവും സ്വാതന്ത്ര്യവും ഉണ്ട്. സ്വവർഗ ലൈംഗികത നിയമവിധേനയെന്നും കോടതി നിരീക്ഷിച്ചു. ഞാൻ എന്താണോ അതുപോലെ ജീവിക്കാനാകണം എന്നും കോടതി വ്യക്തമാക്കി.
ഇതേ തുടർന്ന് 2016ല്‍ ഭരതനാട്യം നര്‍ത്തകന്‍ എന്‍ എസ് ജോഹർ, മാധ്യമപ്രവര്‍ത്തകന്‍ സുനില്‍ മെഹ്റ, റിതു ഡാല്‍മിയ, അമന്‍ നാഥ് തുടങ്ങിയവര്‍ ഉഭയസമ്മത പ്രകാരമുള്ള ലൈംഗികത കുറ്റകരമല്ലാതാക്കണമെന്ന ആവശ്യവുമായി സുപ്രീം കോടതിയെ സമീപിച്ചിരുന്നു. ജൂലായ് 17ന് ഹർജികളിൽ വാദം പൂർത്തിയായിരുന്നു. അതിന്റെ വിധിയാണ് ഇന്ന് പുറത്തുവന്നിരിക്കുന്നത്.
