പുരട്‌ചി തലൈവിക്ക് സ്റ്റൈല്‍ മന്നന്റെ ആശംസകള്‍

പുരട്‌ചി തലൈവിക്ക് സ്റ്റൈല്‍ മന്നന്റെ ആശംസകള്‍. അനധികൃത സ്വത്ത് സമ്പാദനക്കേസില്‍ ജാമ്യത്തില്‍ പുറത്തിറങ്ങിയ തമിഴ്‌നാട് മുന്‍ മുഖ്യമന്ത്രിയും എഐഎഡിഎംകെ അധ്യക്ഷയുമായ ജയലളിതയെ നടന്‍ രജനികാന്ത് ആശംസകള്‍ അറിയിച്ചു. ജയലളിതയുടെ ആരോഗ്യത്തിനു വേണ്ടി താന്‍ പ്രാര്‍ത്ഥിക്കുന്നുവെന്നും അവര്‍ക്ക് അയച്ച കത്തില്‍ രജനീകാന്ത് പറഞ്ഞു.

ജയലളിത വീണ്ടും അവരുടെ വീട്ടില്‍ മടങ്ങിയെത്തിയതില്‍ അതിയായ സന്തോഷമുണ്ട്.  അവരുടെ ആരോഗ്യത്തിനും സമാധാനത്തിനു വേണ്ടി പ്രാര്‍ഥിക്കുന്നുവെന്ന് രജനി കത്തില്‍ വ്യക്തമാക്കുന്നു. ജയില്‍ മോചിതയായ ജയലളിതയ്ക്ക് ദീപാവലി ആശംസകളും നേര്‍ന്നു.

ജയലളിത തിരിച്ചെത്തിയതില്‍ ആഹ്ലാദമുണ്ടെന്നും എല്ലാ വിജയങ്ങളും നേരുന്നതായും കേന്ദ്രമന്ത്രി മേനക ഗാന്ധി അറിയിച്ചു. 

ജയലളിത അറസ്റ്റിലായതില്‍ പ്രതിഷേധിച്ച് തമിഴ് സിനിമാ പ്രവര്‍ത്തകര്‍ നടത്തിയ ഉപവാസത്തില്‍ നിന്ന് രജനികാന്തും കമലഹാസനും അടക്കമുള്ള മുതിര്‍ന്ന താരങ്ങള്‍ വിട്ടുനിന്നത് വാര്‍ത്തയായിരുന്നു. 

മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക് ചെയ്യുക. ഫേസ്ബുക്കിലും ട്വിറ്ററിലും പിന്തുടരുക.