രാഹുല്‍ ഗാന്ധി 2024 ലോകസഭാ തെരഞ്ഞെടുപ്പില്‍ അമേഠിയില്‍ നിന്ന് മത്സരിക്കുമെന്ന് യുപി പിസിസി അധ്യക്ഷന്‍ അജയ് റായി. ഉത്തര്‍പ്രദേശ് അധ്യക്ഷനായി ചുമതല ഏറ്റതിന് പിന്നാലെയാണ് പുതിയ പ്രഖ്യാപനം ഉണ്ടായത്. കൂടാതെ പ്രിയങ്ക ഗാന്ധി യുപിയില്‍ വാരണാസിയില്‍ മത്സരിക്കുമോ എന്ന ചോദ്യത്തിന് പ്രിയങ്ക ഗാന്ധി യുപിയില്‍ എവിടെ മത്സരിക്കാന്‍ താല്പര്യപ്പെട്ടാലും വിജയിപ്പിക്കുമെന്നും അജയ് റായി പറഞ്ഞു. കഴിഞ്ഞ തവണ രാഹുല്‍ ഗാന്ധി രണ്ടിടത്ത് മത്സരിച്ചിരുന്നു. വയനാട്ടില്‍ വിജയിച്ച രാഹുല്‍ അമേഠിയില്‍ പരാജയപ്പെട്ടിരുന്നു. കേന്ദ്രമന്ത്രി സ്മൃതി ഇറാനിയോടാണ് രാഹുല്‍ പരാജയപ്പെട്ടത്.
