ലോകത്തിലെ ഏറ്റവും വലിയ സമൂസ തയ്യാറായി. 332 കിലോഗ്രാം ഭാരമുള്ള സമൂസ ഖൊരക്‌പുരില്‍ ആണ് തയ്യാറാക്കിയത്. ഗിന്നസ് ബുക്കില്‍ ഇടം പിടിക്കാനായി സമൂസ തയ്യാറാക്കിയത് പത്തു പേരുടെ സംഘമാണ്. മഹാരാജ്‌ഗഞ്ച് ജില്ലയിലെ ഗോപാല്‍ നഗര്‍ കോളനിയില്‍ ആയിരുന്നു സംഭവം. 20 വയസ്സുകാരനായ റിതേഷ് സോണിയുടെ നേതൃത്വത്തില്‍ ആയിരുന്നു സംഘം സമൂസ ഉണ്ടാക്കിയത്.
ഏറ്റവും വലിയ സമൂസ തയ്യാറാക്കാന്‍ 40, 000 രൂപയാണ് സംഘം ചെലവാക്കിയത്. 90 ലിറ്റര്‍ റിഫൈന്‍ഡ് ഓയില്‍, 1.75 ക്വിന്റല്‍ ഗോതമ്പു പൊടി, രണ്ടു ക്വിന്റല്‍ ഉരുളക്കിഴങ്ങ് എന്നിവ ഉപയോഗിച്ചാണ് സമൂസ നിര്‍മ്മിച്ചത്. മൂന്നു മീറ്റര്‍ ഉയരമുണ്ട് സമൂസയ്ക്ക്.
