പാര്‍ട്ടിയെ ശക്തിപ്പെടുത്തുന്നതിനായി എന്ത് ത്യാഗവും സഹിക്കാന്‍ തയ്യാറാണെന്ന് ഒ പി എസ് അറിയിച്ചിട്ടുണ്ട്. ജയലളിതയുടെ മരണശേഷം ഉണ്ടായ വിവാദങ്ങളില്‍ പെട്ട് പാര്‍ട്ടി ദുര്‍ബലമാണെന്നും വരുന്ന തെരഞ്ഞെടുപ്പുകളെ നേരിടാന്‍ കൂടുതല്‍ ഊര്‍ജ്ജം സംഭരിക്കേണ്ടതുണ്ടെന്നുമുള്ള തിരിച്ചറിവിലാണ് വലിയ നീക്കങ്ങള്‍ക്ക് അണ്ണാ ഡി എം കെ ഒരുങ്ങുന്നത്.
മാത്രമല്ല, ഡി എം കെയില്‍ എം കെ സ്റ്റാലിന്‍ എതിരാളികളില്ലാത്ത നേതാവായി വളരുകയും ഡി എം കെയ്ക്ക് പുതിയ പ്രതിച്ഛായ കൈവരികയും ചെയ്തിരിക്കുന്നു. ഈ ഘട്ടത്തില്‍ പാര്‍ട്ടിയെ അടുത്ത തെരഞ്ഞെടുപ്പുകളിലേക്ക് സജ്ജമാക്കുക എന്നത് ചെറിയകാര്യമല്ല. അതുകൊണ്ട് പനീര്‍‌സെല്‍‌വം തന്നെ രംഗത്തിറങ്ങണമെന്നും പാര്‍ട്ടിയെ രക്ഷിക്കണമെന്നുമാണ് പ്രവര്‍ത്തകരുടെയും അഭിപ്രായം.
