ആശുപത്രിയില്‍ ചികിത്സയില്‍ കഴിയുന്ന തമിഴ്‌നാട് മുൻ മുഖ്യമന്ത്രി എം കരുണാനിധിയെ കാണാൻ കേരള മുഖ്യമന്ത്രി പിണറായി വിജയൻ ചെന്നൈയിലെത്തി. കരുണാനിധിയുടെ ആരോഗ്യനില വലിയ പുരോഗതിയില്ലാതെ തുടരുന്ന സാഹചര്യത്തില്‍ രാഷ്ട്രീയ-സാമൂഹ്യ-സിനിമ മേഖലയില്‍ നിന്നുള്ള നിരവധിപ്പേരാണ് അദ്ദേഹത്തെ കാണാന്‍ എത്തിക്കൊണ്ടിരിക്കുന്നത്.
ചൊവ്വാഴ്‌ച കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയും സൂപ്പര്‍താരം രജനികാന്തും വിജയ്, അജിത്ത് എന്നിവരും കരുണാനിധിയെ സന്ദര്‍ശിച്ചിരുന്നു. മുംബൈയിലെ ഷൂട്ടിംഗ് സെറ്റില്‍ നിന്നെത്തിയ രജനികാന്ത് കരുണാനിധിയെ കാണുകയും കുടുംബത്തിനൊപ്പം ഏറെ നേരം ചെലവഴിക്കുകയും ചെയ്‌തു. കലൈഞ്ജര്‍ എത്രയും വേഗം സുഖം പ്രാപിക്കട്ടെയെന്ന് പ്രാര്‍ഥിക്കുന്നുണ്ടെന്നും അദ്ദേഹം പറഞ്ഞു.
