ജമ്മു കശ്മീരില്‍ ഒമര്‍ അബ്ദുള്ള മുഖ്യമന്ത്രിയാകും. ശ്രീനഗറിലെ നാഷണല്‍ കോണ്‍ഫറന്‍സ് പാര്‍ട്ടി ആസ്ഥാനത്തു ചേര്‍ന്ന നിയമസഭാ കക്ഷി യോഗത്തില്‍ ഒമര്‍ അബ്ദുള്ളയെ നിയമസഭാ കക്ഷി നേതാവായി തിരഞ്ഞെടുത്തു. ലഫ്റ്റനന്റ് ഗവര്‍ണര്‍ മനോജ് സിന്‍ഹയുമായി കൂടിക്കാഴ്ച നടത്തിയ ശേഷമായിരിക്കും സത്യപ്രതിജ്ഞ.
തന്നെ പിന്തുണയ്ക്കുന്ന കോണ്‍ഗ്രസിന്റെ കത്ത് ലഭിച്ച ശേഷമായിരിക്കും ഒമര്‍ അബ്ദുള്ള ലഫ്.ഗവര്‍ണറുമായി കൂടിക്കാഴ്ച നടത്തുക. ഈ ആഴ്ച തന്നെ സത്യപ്രതിജ്ഞ നടക്കാനാണ് സാധ്യത. ജമ്മു കശ്മീരില്‍ നാഷണല്‍ കോണ്‍ഫറന്‍സും കോണ്‍ഗ്രസും ഒന്നിച്ചാണ് മത്സരിച്ചത്.