കോണ്‍ഗ്രസ് അധ്യക്ഷ സോണിയ ഗാന്ധിയെയും ഉപാധ്യക്ഷന്‍ രാഹുലിനെയും പ്രശംസകള്‍ക്ക് കൊണ്ട് മൂടി നട്വര് സിംഗ്. വിവാദ ആത്മകഥ "വണ്‍ ലൈഫ് ഈസ് നോട്ട് ഇനഫ്"ന്‍െറ പ്രകാശന ചടങ്ങിലാണ് ഇരുവരെയും നട്വര് സിംഗ് പ്രശംസ കൊണ്ട് മൂടി. ആത്മകഥയില്‍ സോണിയയ്ക്കും രാഹുലിനും എതിരേ രൂക്ഷവിമര്‍ശനം ഉന്നയിച്ച നട്വര് പ്രകാശനച്ചടങ്ങില്‍ പ്രശംസ കൊണ്ട് മൂടിയത് കൌതുകമായി.
ആത്മകഥ എഴുതുന്നതിന്‍െറ തുടക്കത്തില്‍ തന്നെ പിന്തിരിപ്പിക്കാന്‍ ശ്രമങ്ങളുണ്ടായി. ഇക്കാര്യത്തില്‍ പ്രിയങ്ക ഗാന്ധി അടക്കമുള്ളവര്‍ തന്നെ കണ്ടിരുന്നു. പത്ത് ശതമാനം കാര്യങ്ങള്‍ പുസ്തകത്തില്‍ ഉള്‍പ്പെടുത്തില്ലെന്ന് ഉറപ്പ് നല്‍കിയതായും അദ്ദേഹം പറഞ്ഞു. വിവാദങ്ങളെ തുടര്‍ന്ന് തന്‍െറ ആത്മകഥയുടെ വില്‍പന കുത്തനെ വര്‍ധിച്ചതായും അദ്ദേഹം ചൂണ്ടിക്കാട്ടി.
