ശശികല ‘ആഡംബര’ തടവിലാക്കിയ എം എല്‍ എമാരില്‍ മുപ്പതോളം പേര്‍ നിരാഹാരത്തിലെന്ന് റിപ്പോര്‍ട്ടുകള്‍. സ്വന്തമായി തീരുമാനം എടുക്കാന്‍ അനുവദിക്കണമെന്നാണ് എം എല്‍ എമാരുടെ ആവശ്യം. എം എല്‍ എമാരെ തടവിലാക്കിയിരിക്കുന്ന ഹോട്ടലുകളില്‍ ഫോണ്‍, ഇന്റര്‍നെറ്റ്, ടെലിവിഷന്‍ ബന്ധങ്ങള്‍ വിച്‌ഛേദിച്ചിരിക്കുകയാണെന്നാണ് റിപ്പോര്‍ട്ടുകള്‍. ഇവരെ പുറംലോകവുമായി ബന്ധപ്പെടാനും അനുവദിക്കുന്നില്ല.
ശശികലയ്ക്ക് എതിരെ പ്രതിഷേധിക്കുന്ന എം എല്‍ എമാര്‍ നേരത്തെ ഡി എം കെയില്‍ ചേരുമെന്ന് ആരോപണം ഉയര്‍ന്നിരുന്നു.
ഇതിനിടെ, ശശികല നല്കിയ പട്ടികയിലെ ഒപ്പുകള്‍ വ്യാജമെന്ന് ആക്ഷേപം ഉയര്‍ന്നു. ആക്ഷേപം ഉയര്‍ന്ന സാഹചര്യത്തില്‍ ഒപ്പുകള്‍ ഗവര്‍ണര്‍ പരിശോധിക്കും. സ്പീക്കറുടെയും മറ്റും സാന്നിധ്യത്തില്‍ ആയിരിക്കും പരിശോധന നടത്തുക.