മാവോയിസ്റ്റ് ആക്രമണം: 13 ജവാന്‍മാര്‍ കൊല്ലപ്പെട്ടു
ചത്തീസ്ഗഡില്‍ മാവോയിസ്റ്റ് ആക്രമണം. ഇന്ന് ഉച്ചകഴിഞ്ഞ് നടന്ന ശക്തമായ ആക്രമണത്തില്‍ സിആര്‍പിഫ് ഡെപ്യൂട്ടി കമാന്‍ഡന്റും അസി കമാന്‍ഡന്റും ഉള്‍പ്പെടെ 13 ജവാന്‍മാര്‍ കൊല്ലപ്പെട്ടു. ചത്തീസ്ഗഡിലെ സുഖ്മ ജില്ലയിലെ ചിന്തഗുഫ പ്രദേശത്താണ് ആക്രമണം ഉണ്ടായത്.
മാവോയിസ്റ്റ് സാന്നിധ്യം അറിഞ്ഞെത്തിയെ ജവാന്മാര്‍ക്ക് നേരെ ഗ്രാമീണരെ കവചമാക്കി നിര്‍ത്തി മാവോയിസ്റ്റുകള് വെടിവെക്കുകയായിരുന്നു.
കൊല്ലപ്പെട്ടവരെല്ലാം 223മത് ബറ്റാലിയനില്‍ ഉള്ളവരാണ്. നിരവധി പേര്‍ക്ക് പരുക്കേറ്റു ഇവരെ സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്. മാവോയിസ്റ്റുകള് കൊല്ലപ്പെട്ടതായി വിവരങ്ങളൊന്നും ലഭ്യമായിട്ടില്ല.
